உதயா, அஜ்மல், யோகி பாபு இணைந்து நடிக்கும் ‘அக்யூஸ்ட்’ பிரம்மாண்ட‌ திரைப்படத்தின் பேருந்து சண்டைக்காட்சி இணையத்தில் வைரல்

 உதயா, அஜ்மல், யோகி பாபு இணைந்து நடிக்கும் ‘அக்யூஸ்ட்’ பிரம்மாண்ட‌ திரைப்படத்தின் பேருந்து சண்டைக்காட்சி இணையத்தில் வைரல்

ஆக்ஷன் இயக்குநர் ஸ்டண்ட் சில்வா, ஃபைட்டர் அம்ப்ரோசுக்கு குவியும் பாராட்டு

ஜேஷன் ஸ்டுடியோஸ் சச்சின் சினிமாஸோடு இணைந்து, ஸ்ரீதயாகாரன் சினி புரொடக்ஷன் மற்றும் MIY ஸ்டுடியோஸ் பேனர்களில் ஏ.எல்.உதயா, தயா என்.பன்னீர்செல்வம், எம்.தங்கவேல் ஆகியோர் இணைந்து தயாரிக்கும் பிரம்மாண்ட திரைப்படம் ‘அக்யூஸ்ட்’. 

'அக்யூஸ்ட்’ திரைப்படத்தில் முதல் முறையாக உதயா, அஜ்மல் மற்றும் யோகி பாபு இணைந்து  நடிக்கின்றனர். நடிகர் உதயாவின் வெள்ளி விழா ஆண்டு திரைப்படமான 'அக்யூஸ்ட்', உதயாவின் படங்களிலேயே இதுவரை இல்லாத அளவுக்கு அதிக பட்ஜெட்டில் தயாராகியுள்ளது. 

பெரும் பொருட்செலவில் முன்னணி நடிகர்களின் படங்களுக்கு இணையாக படமாக்கப்பட்டுள்ள பேருந்து சண்டைக்காட்சி 'அக்யூஸ்ட்' திரைப்படத்தின் முக்கிய அம்சங்களில் ஒன்றாகும். ஆக்ஷன் இயக்குநர் ஸ்டண்ட் சில்வா வடிவமைத்த இந்த சண்டைக்காட்சி சுமார் 40 ஃபைட்டர்கள் மற்றும் துணை நடிகர்கள் பங்களிப்புடன் 12 நாட்கள் படமாக்கப்பட்டது. இந்த சண்டைக்காட்சிகாக மட்டுமே ஒரு பேருந்தை விலைக்கு வாங்கியும் ஒரு பேருந்தை வாடகைக்கு எடுத்தும் படக்குழுவினர் பயன்படுத்தி உள்ளனர். ரூ 1 கோடிக்கு மேல் இந்த சண்டைக்காட்சிகாக மட்டும் செலவானாதாக தெரிவிக்கப்படுகிறது. 

இதன் மேக்கிங் வீடியோ வெளியாகி ரசிகர்களின் பெரும் வரவேற்பை பெற்றுள்ள நிலையில் சமீபத்தில் சென்னையில் நடைபெற்ற 'அக்யூஸ்ட்' திரைப்படத்தின் இசை மற்றும் டிரெய்லர் வெளியீட்டு விழாவில் ஸ்டண்ட் சில்வா மாஸ்டர் மற்றும் இந்த சண்டைக் காட்சியில் மிகவும் ரிஸ்க் எடுத்து பஸ்சை ஓட்டிய ஃபைட்டர் அம்புரோஸ் ஆகியோர் பாராட்டப்பட்டனர். இசை வெளியீட்டு விழாவில் ஃபைட்டர் ஒருவர் கௌரவிக்கப்பட்டது இதுவே முதல் முறையாகும். 

'அக்யூஸ்ட்' திரைப்படத்தின் பாடல்கள் மற்றும் டிரெய்லர் அனைத்து தரப்பு ரசிகர்களின் வரவேற்பை பெற்றுள்ள நிலையில், திரைப்படத்தை விரைவில் திரையரங்குகளில் வெளியிட படக்குழுவினர் திட்டமிட்டுள்ளனர். 

இப்படத்தை கன்னட திரையுலகில் வெற்றி படங்களை இயக்கிய பிரபு ஶ்ரீநிவாஸ் இயக்கியுள்ளார். பிரபல கன்னட நடிகை ஜான்விகா நாயகியாக நடிக்கிறார். 

'அக்யூஸ்ட்' படத்திற்கு நரேன் பாலகுமார் இசையமைக்க, மருதநாயகம்.ஐ ஒளிப்பதிவு செய்ய, முன்னணி எடிட்டரான கே.எல்.பிரவீன் படத் தொகுப்பை கையாண்டுள்ளார். கலை இயக்கம் – ஆனந்த் மணி, மக்கள் தொடர்பு – நிகில் முருகன். 

***