இயக்குனர் பேரரசு கதை, வசனம் எழுத, சாய் ராம்கி திரைக்கதை எழுதி, இயக்கிய 'பழைய பாட்டில்' குறும்படத்தை ஆர்.கே.செல்வமணி, ஆர்.வி.உதயகுமார் ஆகியோர் முன்னிலையில் கே.பாக்யராஜ் வெளியிட்டார்!
இயக்குனர்கள் சங்கத்தில் நடைப்பெற்ற இவ்விழாவில் இயக்குனர்கள் ரவி மரியா, சி.ரங்கநாதன், பிரபாகர், முத்து வடுகு, இசையமைப்பாளர் தினா, சேலம் ஆர்.ஆர்.ஹோட்டல் அதிபர் தமிழ் செல்வன், மற்றும் இயக்குனர் சங்க உறுப்பினர்கள் பலர் கலந்துக்கொண்டு வாழ்த்தினார்கள்!
"குடிச்சவன் மது மயக்கத்தில் இருக்க, அவன் குடும்பம் பசி மயக்கத்தில் இருக்கும்" என்பதை, 'பழையபாட்டில்' என்ற குறும்படம் மூலம் அழகாக அவலத்தை படம்பிடித்துக் காட்டியுள்ளார் இயக்குனர் சாய் ராம்கி!
சில ஆண்டுகளுக்கு முன்பு, பாக்யா வார இதழில் தான் எழுதிய கதையை, தனது உதவியாளர் சாய் ராம்கி இயக்குனராக ஆவதற்கு, பேரரசு கொடுத்துள்ளார்!
குறும்படத்தை பார்த்த பாக்யராஜ், கதை முடியும் இடத்தில் இருந்து தொடங்கி, ஒரு தொடர்கதை சொல்லி, அனைவரையும் வியக்க வைத்தார். சுகிஷா பேரரசு குழந்தை நட்சத்திரமாக எதார்த்தமாக நடித்துள்ளதால், நல்ல எதிர்காலம் இருக்கிறது என்றார்!
ஆர்.கே.செல்வமணி, ஆர்.வி.உதயகுமார், ரவி மரியா, தினா ஆகியோர் குழந்தை நட்சத்திரம் சுகிஷா பேரரசு, இயக்குனர் பேரரசு, குறும்படத்தின் இயக்குனர் சாய் ராம்கி ஆகியோருக்கு பொன்னாடை போர்த்தி, பாராட்டினார்கள்!
இயக்குனர் சிகரம் கே.பாலச்சந்தருக்கு ஏழாம் ஆண்டு நினைவஞ்சலி விழாவில் குத்துவிளக்கு ஏற்றி, மலர் தூவி நடத்தப்பட்டது!
